SAHAR

اسلامی انقلاب کی کامیابی کی انتالیسویں سالگرہ کی مناسبت سے ایک پرشکوہ تقریب اسلام آباد میں ایران کے سفارتخانے میں منعقدہوئی

تقریب سے خطاب کرتے ہوئے پاکستان میں اسلامی جمہوریہ ایران کے سفیر مہدی ہنردوست نے کہا کہ اسلامی جمہوری نظام کا عظیم ثمرہ اس کی سیاسی خود مختاری ہے - ان کا کہنا تھا کہ ایران نے مختلف علمی سائنسی و دفاعی شعبوں اور دیگر صنعتوں منجملہ نانو ٹیکنالوجی سمیت الگ الگ میدانوں میں شاندار کامیابی حاصل کی ہے - انہوں نے ایران اور پاکستان کو علاقے اور دنیا کے دواہم اور بااثر ملک قرار دیتے ہوئے کہا کہ اسلام آباد اور تہران اپنے تعاون کو فروغ دے کر علاقے میں امن و استحکام کی برقراری کے راستے پر قدم بڑھا سکتے ہیں - اس تقریب میں پاکستان کی اہم سیاسی، ثقافتی اور مذہبی شخصیات اور اسلام آباد میں متعین دیگر ملکوں کے سفارتکاروں نے شرکت کی -