SAHAR

پاکستان عوامی تحریک کے سربراہ ڈاکٹر طاہر القادری نے آئندہ عام انتخابات کے بائیکاٹ کا اعلان کرتے ہوئے کہا ہے کہ ان کی جماعت دو ہزار اٹھارہ کے الیکشن میں حصہ نہیں لے گی۔

لاہور میں پریس کانفرنس کرتے ہوئے پاکستان عوامی تحریک کے سربراہ ڈاکٹر طاہر القادری نے کہا کہ پاکستان کے آئین کی روح نکال لی گئی ہے-

ان کا کہنا تھا کہ انتخابات کے بعد بقول ان کے جرائم پیشہ افراد پارلیمنٹ میں بیٹھیں گے- طاہرالقادری نے کہا کہ ان کی جماعت دھاندلی زدہ نظام کا نہ تو ماضی میں حصہ تھی اور نہ آئندہ کبھی اس کا حصہ بنے گی-

انہوں نے کہا کہ نظام کا حصہ بنے بغیر بھی ملکی نظام میں تبدیلی لائی جا سکتی ہے- ان کا یہ بھی کہنا تھا کہ الیکشن سے قبل ہی انہوں نے ملک میں مایوسی کی فضا سے عوام کو آگاہ کر دیا ہے اور ہم اپنے نظریئے پر بدستور قائم ہیں-