SAHAR

پاکستان کے قومی سلامتی کے امور کے مشیر لیفٹننٹ جنرل ریٹائرڈ ناصرخان جنجوعہ نے اپنے عہدے سے استعفا دے دیا۔

پاکستان کے قومی سلامتی کے مشیر نے اپنا استعفا نگراں وزیراعظم جسٹس ریٹائرڈ ناصر الملک کو پیش کر دیا جسے انہوں نے منطور کر لیا- ناصرخان جنجوعہ کو تئیس اکتوبر دو ہزار پندرہ کو سرتاج عزیز کی جگہ پاکستان کا قومی سلامتی کا مشیر مقرر کیا گیا تھا-

پاکستانی میڈیا کا کہنا ہے کہ لیفٹننٹ جنرل ریٹائرڈ ناصرخان جنجوعہ کی وزیر کی حیثیت کو نگراں حکومت نے واپس لے لیا تھا جس کے بعد سے ان کے اور نگراں حکومت کے درمیان اختلافات پیدا ہو گئے تھے- اس درمیان خود ناصر خان جنجوعہ کا کہنا ہے کہ منگل کو نگراں وزیراعظم کو استعفا بھیج دیا تھا-

حکومتی مدت پوری ہونے پر استعفا دینا تھا تاہم اس میں چند روز کی تاخیر ہو گئی-