پاکستان کی حکومت نے ہندوستان سے ادویات اور طبی آلات کی تجارت پرعائد پابندی ختم کردی۔

پاکستانی میڈیا کے مطابق ہندوستان کی جانب سے کشمیر کی حیثیت تبدیل کیے جانےکے بعد پاکستان نے ہندوستان سے طبی آلات اور ادویات کی مد میں تجارت پر پابندی عائد کردی تھی تاہم اب حکومت نے یہ پابندی ختم کردی ہے۔

وزارت تجارت کی جانب سے اس ضمن میں دو نوٹیفکیشن جاری کیے گئے ہیں جس کے تحت امپورٹ پالیسی آرڈر 2016ء اور ایکسپورٹ پالیسی آرڈر 2016ء میں ترامیم کردی گئی ہیں اور اب پاکستان سے پہلے کی طرح ادویات و طبی آلات ہندوستان درآمد اور برآمد کیے جاسکیں گے۔

وزارت تجارت کے حکام کے مطابق یہ اقدام انسانی ہمدردی کی بنیاد پر دونوں ممالک کے عوام کو علاج کی سہولیات کے پیش نظر اٹھایا گیا ہے۔