SAHAR

گورنر پنجاب چوہدری محمد سرور نے اعلان کیا ہے کہ مسلم لیگ نون کے قائد میاں محمد نواز شریف کا نام آج بروز پیر ای سی ایل سے نکال دیا جائے گا۔

لاہور میں صحافیوں سے بات کرتے ہوئے گورنر پنجاب چودھری محمد سرور کا کہنا تھا کہ نواز شریف علاج کے لیے جہاں جانا چاہیں جاسکتے ہیں۔

چودھری محمد سرور نے کہا کہ میاں نواز شریف کی صحت کے بارے میں سب فکر مند ہیں، ہم ان کی صحت کو سیاست میں نہیں لائیں گے۔ 

واضح رہے کہ ترجمان مسلم لیگ نون مریم اورنگزیب نے اس سے پہلے کہا تھا کہ آج نواز شریف نے علاج کے لیے بیرون ملک روانہ ہونے والے تھے لیکن ان کا نام ای سی ایل میں ہونے کی وجہ سے روانگی منسوخ ہو گئی۔ مریم اورنگ زیب نے کہا کہ سابق وزیر اعظم نواز شریف کی صحت سے متعلق اطلاع وہ خود پارٹی کے ترجمان کی حیثیت سے دیں گی یا میاں نواز شریف کے ذاتی معالج ڈاکٹر عدنان دیں گے۔