مودی نے ہند–امریکہ تجارتی معاہدے میں قومی مفادات پر سمجھوتہ کیا : راہل گاندھی کا الزام

Feb ۰۳, ۲۰۲۶ ۲۰:۴۵ Asia/Tehran

لوک سبھا میں اپوزیشن لیڈر راہل گاندھی نے وزیر اعظم نریند مودی پر براہِ راست حملہ کرتے ہوئے کہا ہے کہ مودی نے ہند–امریکہ تجارتی معاہدے میں ملک کے مفادات پر سمجھوتہ کر لیا ہے

سحرنیوز/ہندوستا: مسٹر راہل گاندھی نے منگل کے روز پارلیمنٹ ہاؤس کے احاطے میں پارٹی جنرل سکریٹری پرینکا گاندھی واڈرا اور دیگر کانگریس اراکینِ پارلیمنٹ کے ساتھ صحافیوں سے بات کرتے ہوئے کہا کہ اپوزیشن لیڈر کو پارلیمنٹ میں بولنے کی اجازت نہیں دی جا رہی ہے۔

قائدِ حزبِ اختلاف راہل گاندھی نے آج ایک بار پھرجب لوک سبھا میں چین اور سرحدی صورتحال کا معاملہ اٹھانے کی کوشش کی تو حکمراں جماعت کے اراکین نے مسلسل احتجاج کرکے ان کو اپنی بات مکمل نہیں کرنے دی۔

ہمیں فالو کریں:

دوپہر دو بجے کے بعد جب لوک سبھا کی کارروائی دوبارہ شروع ہوئی تو ان کے اس بیان پر حکمراں نشستوں سے سخت اعتراضات سامنے آئے اور ایوان کا ماحول ایک بار پھر کشیدہ ہو گیا۔ہنگامہ آرائی کے باعث لوک سبھا کی کارروائی دن بھر کے لیے ملتوی کردی گئی