پاکستانی سینیٹ نے پیکا ترمیمی بل دو ہزار پچیس پاس کردیاہے۔

سحر نیوز/ پاکستان: اسلام آباد سے موصولہ رپورٹ کے مطابق پاکستانی پارلیمنٹ کے ایوان بالا سینٹ نے متنازعہ پیکا ترمیمی بل دو ہزار پچیس ایسی حالت میں پاس کیا کہ صحافیوں نے احتجاجا پریس گیلری سے واک آؤٹ کیا۔

یاد رہے کہ پاکستان کی قومی اسمبلی سے پیکا ترمیمی بل دو ہزار پچیس پاس ہونے کے بعد پاکستانی صحافیوں کی تقریبا سبھی تنظیموں نے اس کو صحافت مخالف بل قرار دے کر مسترد کردیا تھا۔

پاکستانی صحافیوں کا کہنا ہے کہ اس بل سے آزاد صحافت کو نقصان پہنچے گا۔

حکومت پاکستان نے صحافیوں کے اعتراضات کو مسترد کرتے ہوئے کہا ہے کہ پیکا ترمیمی بل دو ہزار پچیس کا اصل مقصد فیک نیوز کی روک تھام ہے۔

پاکستان فیڈرل یونین آف جرنلسٹ نے متنازعہ پیکا ترمیمی ایکٹ کے خلاف آج اٹھائیس جنوری کو ملک گیر احتجاج کی کال دی ہے۔