پاکستان کے شہر کراچی میں بلوچ یکجہتی کمیٹی کا مظاہرہ
کراچی میں بلوچ یکجہتی کمیٹی اور سول سوسائٹی کی جانب سے صدر زینب مارکیٹ کے باہر مظاہرہ کیا گیا۔
سحرنیوز/پاکستان: پاکستانی میڈیا کے مطابق مظاہرین کی قیادت سمی دین الدین بلوچ نے کی۔ اس دوران پولیس اور مظاہرین کے درمیان جھڑپیں بھی ہوئیں اور پولیس نے سمی الدین بلوچ سمیت18مظاہرین کو حراست میں لے لیا۔ مظاہرین نے تمام گرفتار افراد کو رہا کرنے کا مطالبہ کیا۔ احتجاج کے پیش نظر پولیس نے پریس کلب کے اطراف کی سڑکوں کو رکاوٹیں لگا کر بند کردیا تھا جس کے باعث صدر، شارع فیصل، آئی آئی چندریگر روڈ سمیت ملحقہ سڑکوں پر شدید ٹریفک جام رہا اور لوگ گھنٹوں ٹریفک میں پھنسے رہے۔واضح رہے کہ اس سے قبل پریس کلب کے باہر بلوچ یکجہتی کمیٹی کے خلاف بھی مظاہرہ کیا گیا۔ مظاہرین کا کہنا تھا کہ بلوچ یکجہتی کمیٹی بلوچستان میں مزدوروں کے قتل عام اور جعفر ایکسپریس واقعے کی مذمت کرے۔
