SAHAR

پاکستان کے صوبے خیبرپختونخوا کے شہر بنوں میں پولیس اسٹیشن میریان اور ہوید میں دو الگ الگ کواڈ کاپٹر ڈرون حملے میں ایک خاتون جاں بحق جبکہ تین افراد زخمی ہوگئے۔

سحرنیوز/پاکستان: پولیس کے مطابق ہوید میں گذشتہ شب گھر پر نامعلوم سمت سے کواڈ کاپٹر ڈرون حملہ کیا گیا جس میں ایک خاتون جاں بحق اور تین افراد زخمی ہوگئے۔ دوسرا کواڈ کاپٹر ڈرون حملہ علی الصبع پولیس اسٹیشن میریان پر کیا گیا جبکہ حملے سے پولیس اسٹیشن کی چھت پر نصب شمسی پلیٹ کو نقصان پہنچا۔ جاں بحق اور زخمیوں کو ڈی ایچ کیو اسپتال منتقل کردیا گیا۔پولیس کا کہنا ہے کہ کواڈ کاپٹر ڈرون بہت زیادہ اونچائی پر تھا پولیس نے دونوں جہگوں پر پہنچ کر علاقے میں سرچ آپریشن شروع کردیا۔ بنوں میں دہشت گردوں نے یہ چوتھا کواڈ کاپٹر ڈرون حملہ کیا ہے۔