ٹی ٹوئنٹی ورلڈ کپ کے لئے ہندوستانی ٹیم سب سے مضبوط دعویدار:ویسٹ انڈیز کے عظیم سابق بلے باز برائن لارا
ویسٹ انڈیز کے عظیم سابق بلے باز برائن لارا نے ٹی ٹوئنٹی ورلڈ کپ کے لئے ہندوستان کی کرکٹ ٹیم کو سب سے مضبوط دعویدار قرار دیا ہے
برائن لارا نے دبئی میں اپنے ایک بیان میں کہا ہے کہ ہندوستانی ٹیم کو ٹی ٹوئنٹی ورلڈکپ میں ہوم گراؤنڈ کا فائدہ ہوگا - ان کا کہنا تھا میرے خیال میں ہندوستانی ٹیم اپنے گھریلو ماحول میں یہ کپ جیت لے گی - ان کا کہنا تھا کہ ہندوستانی بلے بازوں کو اپنے ملک کے پچوں کی اچھی شناخت ہے اور اس وقت وہ دنیا کی بہترین ٹیموں کے مقابلے میں بھی اچھے کھیل کا مظاہرہ کر رہے ہیں - ویسٹ انڈیز کی ٹیم کے بارے میں ان کا کہنا تھا کہ ویسٹ انڈیز کی ٹیم دیگر ٹیموں کے لئے بڑا خطرہ ثابت ہوگی - ویسٹ انڈیز کی ٹیم دوہزار بارہ میں سری لنکا میں کھیلے گئے ٹی ٹوئنٹی عالمی کپ کو جیت چکی ہے - جبکہ ہندوستان نے ابھی حال ہی میں آسٹریلوی ٹیم کو خود اسی کی سرزمین پر ٹی ٹونٹی سیزیز میں تین صفر سے شکست دے کر تاریخ رقم کی ہے -