پاکستان؛ بلوچستان و خیبر پختونخوا میں کشیدگی برقرار

Feb ۲۳, ۲۰۲۶ ۲۰:۰۴ Asia/Tehran

پاکستان کے صوبہ بلوچستان اور خیبر پختونخوا میں سیکیورٹی فرسز کی کاروائیاں جاری ہیں ادھرمسلح افراد کی طرف سے بھی کاروائیاں جاری ہیں۔

سحرنیوز/پاکستان: پاکستان کے صوبے بلوچستان کے ضلع پشین میں سیکیورٹی فورسز نے خفیہ اطلاعات پر آپریشن کرتے ہوئے پانچ دہشت گردوں کو ہلاک کر دیا۔دہشتگردوں کے قبضے سے اسلحہ، گولہ بارود اور دھماکہ خیز مواد بھی برآمد کیا گیا، یہ عناصر علاقے میں متعدد دہشت گرد کارروائیوں میں سرگرم رہے تھے۔ ادھرپاکستان کے صوبے خیبر پختونخوا کے ضلع کرک کے علاقے بہادر خیل میں، تھانہ خرم محمد زئی کی حدود میں واقع درگہ شہیدان کے قریب فرنٹیئر کور کے قلعے پر دہشتگردوں نے کواڈ کاپٹر ڈرون سے حملہ کیا جس کے نتیجے میں پانچ اہلکار زخـمی ہوئے۔

ہمیں فالو کریں:

ڈی پی او کرک سعود خان کے مطابق زخـمی اہلکاروں کو اسپتال منتقل کرنے کا عمل جاری تھا کہ ایمبولینسوں پر دہـشـت گـردوں نے دوبارہ حـمـلہ کیا اور ایمبولینسوں کو زخمیوں سمیت آگ لگا دی جس کے نتیجے میں تین اہلکار جاں بحق ہوگئے۔دراین اثنا پنچگور میں نامعلوم مسلح افراد نے دو گاڑیوں پر فائرنگ کی جسکے نتیجے میں چھ افراد بحق ہوگئے ۔حملہ اوروں نے حملے کے بعد گاڑیوں کو آگ لگا دی۔