SAHAR

ورلڈ ٹی ٹوئنٹی کے ایک اہم میچ میں آسٹریلیا نے پاکستان کو اکیس رن سے شکست دے کر پاکستان کو ورلڈ ٹی ٹوئنٹی سے باہر کر دیا۔

موہالی میں کھیلے گئے میچ میں آسٹریلیا کے کپتان اسٹیون اسمتھ نے ٹاس جیت کر پہلے بیٹنگ کا فیصلہ کیا۔ آسٹریلیا نے پہلے بیٹنگ کرتے ہوئے مقررہ بیس اووروں میں چار وکٹ کے نقصان پر ایک سو ترانوے رن بنائے۔ آسٹریلیا کی جانب سے اسمتھ نے اکسٹھ اور واٹسن نے چوالیس رن بنائے۔ جواب میں پاکستان کی ٹیم مقررہ اووروں میں آٹھ وکٹوں کے نقصان پر ایک سو بہتر رن ہی بنا سکی۔ پاکستان کی جانب سے خالد لطیف اور شعیب ملک نے بالترتیب چھیالیس اور چالیس رن بنائے۔ شعیب ملک آخر تک ناٹ آؤٹ رہے۔ آسٹریلیا سے ہار کر پاکستان ایونٹ سے باہر ہو گیا۔ یہ اس ٹورنامنٹ میں پاکستان کی مسلسل تیسری شکست ہے۔