SAHAR

پاکستان کی قومی کرکٹ ٹیم کے اوپننگ بلے باز شرجیل خان نے کہا ہے کہ انہیں دھمکی آمیز فون کئے جا رہے ہیں

سماجی رابطے کی ویب سائٹ فیس بک پر پوسٹ کی گئی ویڈیو میں شرجیل خان نے کہا ہے کہ انہیں نامعلوم افراد کی طرف سے کافی دنوں سے دھمکی آمیز فون آ رہے ہیں -اس درمیان شرجیل خان نے ڈان نیوز سے گفتگو کرتے ہوئے کہا ہے کہ اب تک انہوں نے اس سلسلے میں پولیس یا رینجرز سے کوئی رابطہ نہیں کیا ہے تاہم ضرورت پڑنے پر وہ قانون کی بھی مدد لیں گے - دوسری جانب پی سی بی نے شرجیل خان کی ویڈیو کا نوٹس لیتے ہوئے معاملے کی تہہ تک پہنچنے کا عزم ظاہر کیا ہے-