SAHAR

اسلامی جمہوریہ ایران کے اسنوکر کھلاڑی سہیل واحدی نے عالمی اسنوکر چیمپئن شپ کے فائنل مقابلے میں ویلز کے اپنے حریف کو شکست دے کر چیمپیئن شپ جیت لی-

ارنا کی رپورٹ کے مطابق ایرانی کھلاڑی سہیل واحدی نے اسنوکر کے مقابلوں میں فائنل تک پہنچنے کے لئے اپنے آلبانیائی، آئس لینڈی، جاپانی، پاکستانی، پولینڈی، اسکاٹ لینڈی، جرمن اور آئر لینڈی حریفوں کو شکست دے کر، اس چیمپیئن شپ کا ٹائٹل جیت لیا ہے-

اسنوکر چیمپیئن شپ کے مقابلوں میں ایران کے مردوں اور خواتین کی قومی ٹیم نے شرکت کی تھی- سہیل واحدی اس چیمپیئن کو حاصل کرنے کے ساتھ ہی دنیا کے پروفیشنل اسنوکرز میں شامل ہو گئے ہیں-  

ورلڈ اسنوکرچیمپئن شپ کے مقابلے، انیس نومبر سے انتیس نومبر تک قطر میں منعقد کئے گئے تھے-