ایران کشتی کا عالمی لیگ چیمپیئن بن گیا
Dec ۰۹, ۲۰۱۷ ۱۴:۳۲ Asia/Tehran
گریکو رومن کشتی کے لیگ مقابلوں میں ایران کی ٹیم نے عالمی ٹائیٹل جیت لیا۔
تہران کے آزادی اسپورٹس کمپلکس میں ہونے والے ورلڈ لیگ کے مقابلوں کے فائنل میں ایران کی ٹیم ایزی پائپ کاشان کے کھلاڑی نے امریکی ٹیم ٹائٹن مرکوری کے کھلاڑی کو چھے چار سے شکست دے دی۔
اس سے پہلے ایران کی ساری اسٹارز ٹیم کے کھلاڑی نے منگولیا کی خیموری ٹیم کے کھلاڑی کو ہرا کر کشتی کے عالمی لیگ مقابلوں میں تیسری پوزیشن اپنے نام کی۔
فری اسٹائل کشتی کے عالمی لیگ کے مقابلے جمعرات سے تہران کے آزادی اسپورٹس کمپلکس میں شروع ہوئے تھے جن میں دنیا کے مختلف ملکوں کی دس جبکہ ایران کی تین ٹیمیں شریک تھیں۔
