SAHAR

یوکرین کے حکومت مخالفین کا کہنا ہے کہ دونیسک کے علاقے میں یوکرینی فوج کے حملوں میں ایک سو ساٹھ سے زیادہ افراد ہلاک ہو گئے-

پریس ٹی وی کی رپورٹ کے مطابق حکومت یوکرین کے مخالفین نے جمعے کے روز اعلان کیا ہے کہ یہ حملے شہر ہورلیوکا میں ہوئے ہیں اور ان میں ایک سو چوسٹھ افراد ہلاک ہوئے ہیں جبکہ بیالیس بچوں سمیت پانچ سو افراد زخمی بھی ہوئے ہیں- رپورٹ کے مطابق ان حملوں میں اس شہر کی دو ہزار عمارتوں کو نقصان پہنچا جن میں پانچ سو تیس سے زیادہ عمارتیں رہائشی تھیں- یوکرین کی فوج نے چند روز قبل بھی شہر ہورلیوکا پر حملے کئے تھے- واضح رہے کہ مشرقی یوکرین میں اپریل دو ہزار چودہ سے لے کر جولائی دو ہزار پندرہ تک ہونے والی جھڑپوں میں چھے ہزار آٹھ سو انتیس افراد ہلاک اور سترہ ہزار چونسٹھ دیگر زخمی ہوئے ہیں-