SAHAR

روس کے وزیر خارجہ نے اقوام متحدہ کی سلامتی کونسل کو ایک حربے کے طور پر استعمال کئے جانے پر تشویش ظاہر کی ہے-

ماسکو سے تاس نیوز ایجنسی کی رپورٹ کے مطابق روس کے وزیر خارجہ سرگئی لاوروف نے اقوام متحدہ کی سلامتی کونسل کی تشہیراتی کوششوں پر تشویش ظاہر کرتے ہوئے کہا ہے کہ ماسکو، سلامتی کونسل کے اس طرح کے اقدامات کے خلاف ہے کیونکہ اس طرح کے اقدامات سے حالات مزید خراب ہوتے ہیں- روس کے وزیر خارجہ نے کہا کہ اقوام متحدہ کی سلامتی کونسل کی قراردادوں کی کمزوری اور ناکامی سے صرف کشیدگی اور تنازعات میں اضافہ ہوتا ہے- روس کے وزیر خارجہ نے سلامتی کونسل بالخصوص اس کے پانچ مستقل اراکین کی ذمہ داریوں کی جانب اشارہ کرتے ہوئے اقوام متحدہ کی سلامتی کونسل کو ایک حربے کے طور پر استعمال کئے جانے پر ماسکو کی مخالفت پر زور دیا-