SAHAR

میانمار کے اشانت کاچن صوبے میں پچھتر افراد ایک کان کے ملبے کے نیچے دب کر ہلاک ہو گئے ہیں

شمالی میانمار کے اشانت کاچن صوبے کے ہپا کانت ضلع میں ایک کان کے ملبے کے نیچے دب کر پچھتر لوگوں کی موت ہو گئی ہے- یہ حادثہ سنیچر کی صبح اس وقت پیش آیا جب اس علاقے میں سونے اورجیڈ کی کان سے نکلے ہوئے ملبے کا تین سو میٹر اونچا ڈھیر اپنی جگہ سے کھسک گیا- ہپاکانت ضلع کے ایک عہدیدار نے بتایا کہ پچھتر لاشین نکالی جا چکی ہیں - ملبے کا ڈھیر کھسکنے سے کان کے پاس کے پچاس مکانات تباہ ہوگئے ہیں اور ابھی بھی سو افراد لاپتہ ہیں جنھیں تلاش کیا جا رہا ہے- ہپاکانت ضلع میں زمین کا کھسکنا معمول کی بات ہے - اس علاقے میں دنیا میں جیڈ کی کل کانوں کی نوے فیصد کانیں موجود ہیں- اسی علاقے میں اس سال مارچ کے آخر میں جیڈ کی کان کے پاس زمین کھسکنے کا واقعہ پیش آیا تھا جس میں کم سے کم ایک درجن لوگ ہلاک ہوئے تھے-