ہندوستان ؛ کانگریس نے لوک سبھا اسپیکر اوم برلا کے خلاف عدم اعتماد کا نوٹس داخل کیا

Feb ۱۰, ۲۰۲۶ ۲۰:۰۷ Asia/Tehran

ہندوستان میں اپوزیشن جماعتوں نے آج لوک سبھا کے اسپیکر اوم برلا کے خلاف تحریک عدم اعتماد کا نوٹس اسمبلی سکریٹریٹ میں جمع کرکے انہیں فوری طور پر عہدے سے ہٹانے کا مطالبہ کیا ہے

سحرنیوز/ہندوستان: کانگریس نے لوک سبھا اسپیکر اوم برلا کے خلاف عدم اعتماد کا نوٹس داخل کیا جس کی ایک سو اٹھارہ ارکان نے حمایت کی - لوک سبھا میں کانگریس کے ننیاوے ممبران پارلیمنٹ ہیں۔ اپوزیشن کا کہنا ہے کہ اسپیکر کا کردار غیر جانبدار نہیں رہا اور پارلیمانی روایات کی خلاف ورزی کی گئی ہے-

کانگریس کے رکنِ پارلیمنٹ گورو گوگوئی نے بتایا کہ آج دوپہر میں قواعد و ضوابط کے ضابطہ چورانوے سی کے تحت اسپیکر کے خلاف عدم اعتماد کی تحریک کا نوٹس پیش کیا گیا۔

ہمیں فالو کریں:

لوک سبھا کے اسپیکر کے خلاف اپوزیشن کی طرف سے داخل کردہ تحریک عدم اعتماد کے اس نوٹس میں لگائے گئے الزامات کی جانچ کی جائے گی۔ تحقیقاتی عمل کے بعد سکریٹریٹ کی طرف سے نوٹس پر مزید کارروائی پر غور کیا جائے گا۔

کانگریس کے اس اقدام نے حکومت اور اپوزیشن کے درمیان جاری سیاسی کشیدگی کو مزید گہرا کر دیا ہے، جو پہلے ہی سے ایوان کی کارروائی کے طریقۂ کار اور حالیہ واقعات کے باعث تناؤ کا شکار ہے۔