SAHAR

برازیل کی سینیٹ نے صدر دیلما روسیف کو اقتدار سے معطل کر دیا ہے

برازیل کی سینیٹ نے جمعرات کو بائیں بازو کی جماعت سے تعلق رکھنے والی صدر دیلما روسیف کو آئندہ چھے مہینے تک اقتدار سے بے دخل کرنے کے حق میں ووٹ دیا ہے -

سینیٹ کے اس فیصلے کے بعد دیلما روسیف کواب مبنیہ طور پرآئین کی خلاف ورزی کرنے کی بنا پرمقدمے کا سامنا کرنا ہوگا -اس دوران نائب صدر مایکل تمر ملک کی باگ ڈور سنبھالیں گے-

دیلما روسیف کی اقتدار سے معطلی سے تیرہ سال بعد ایوان صدر پر بائیں بازو کے قبضے میں وقفہ پیدا ہو جائے گا -

برازیل کی صدر دیلما روسیف کے مخالفین نے ان پر مالی بدعنوانی کا الزام عائد کیا ہے -

برازیل کی عدالت نے بھی سینیٹ میں ووٹنگ کو موخر کئے جانے کی مخالفت کی تھی اور کہا تھا کہ اس معاملے پر سینیٹ کو اپنا فیصلہ سنانا چاہئے -

دیلما روسیف کے خلاف برازیل کے مختلف شہروں میں مظاہرے بھی ہو رہے تھے -