SAHAR

امریکی صدر باراک اوباما نے جاپان میں تعینات امریکی فوجیوں کی زیادتیوں اور جرائم کا اعتراف کیا ہے

امریکی صدرباراک اوباما نے اپنے دورہ جاپان میں جاپانی روزنامہ آساہی سے اپنے انٹرویو میں جاپان میں تعینات امریکی فوجیوں کے جرائم کا اعتراف کرتے ہوئے کہا کہ جزیرہ اوکیناوا میں تعینات امریکی فوجیوں کے جرائم کو روکنے کی پوری کوشش کی جائے گی-

امریکی صدر کا یہ اعترافی بیان ایک ایسے وقت سامنے آیا ہے جب پچھلے مہینے ایک امریکی فوجی نے ایک بیس سالہ جاپانی لڑکی کو جنسی زیادتی کا نشانہ بنانے کے بعد اس کو قتل کردیا تھا-امریکی فوجی کے اس بھیانک جرم پر پورے جاپان میں عوام کا شدید ردعمل سامنے آیا تھا -

یہ پہلی بار نہیں ہے جب جاپان میں تعینات امریکی فوجیوں نے جاپانی خواتین اور لڑکیوں کے ساتھ جنسی زیادتی کا ارتکاب کیا ہے- اس تازہ واقعے کے بعد جاپانی عوام نے احتجاجی مظاہرے کر کے ایک بار پھر اپنے ملک سے امریکی فوجیوں کو نکال دئے جانے کا مطالبہ کیا ہے- جاپانی عوام کا کہنا ہے کہ امریکی فوجی جب تک جاپان میں موجود رہیں گے اس قسم کے جرائم کا ارتکاب ہوتا رہےگا-

جاپان کے مشتعل عوام نے امریکی صدر اوباما کے دورہ جاپان پر بھی اپنی شدید مخالفت کا اعلان کیا -