SAHAR

فلپائن کے دارالحکومت منیلا میں نوجوانوں اور یونیورسٹی طلبا نے یوم آزادی پر امریکی سفارت خانے کے سامنے احتجاجی مظاہرہ کیا ۔

ایم ایس این ٹی وی کے مطابق اسپین سے فلپائن کی آزادی کی ایک سو اٹھارھویں سالگرہ پر منیلا میں بڑی تعداد میں یونیورسٹی طلبا نے امریکی سفارتخانے کے سامنے مظاہرہ کیا اور امریکا کا پرچم نذرآتش کیا۔ اس رپورٹ کے مطابق مظاہرین نے امریکا اور فلپائن کے فوجی معاہدے کی مخالفت کا اعلان کیا۔

یاد رہے کہ امریکا اور فلپائن کے فوجی معاہدے کے مطابق امریکا، فلپائن کے فوجی اڈوں سے کام لے سکتا ہے ۔ اس معاہدے کی فلپائن میں عوام کی جانب سے وسیع پیمانے پر مخالفت کی جا رہی ہے۔

امریکا اور فلپائن کے درمیان فوجی معاہدہ دو ہزار چودہ میں ہوا تھا لیکن فلپائن کی سپریم کورٹ نے گزشتہ جنوری میں اس معاہدے کی توثیق کی ہے۔