ہندوستان ؛ سپریم کورٹ نے تبدیلی مذہب مخالف قوانین پر نوٹس جاری کر دیا

Feb ۰۲, ۲۰۲۶ ۲۰:۱۲ Asia/Tehran

ہندوستان کی سپریم کورٹ نے کئی ریاستوں کے تبدیلی مذہب مخالف قوانین کو چیلنج کرنے والی عرضی پر نوٹس جاری کرتے ہوئے چار ہفتوں میں جواب طلب کیا ہے۔

سحرنیوز/ہندوستان: ہندوستان کی سپریم کورٹ نے ملک کی مختلف ریاستوں میں نافذ تبدیلی مذہب مخالف قوانین کو چیلنج کرنے والی ایک اہم عرضی پر نوٹس جاری کرتے ہوئے متعلقہ ریاستی حکومتوں سے چار ہفتوں کے اندر جواب طلب کر لیا ہے.اس فیصلے کو مذہبی آزادی اور آئینی حقوق کے حوالے سے ایک اہم پیش رفت کے طور پر دیکھا جا رہا ہے۔

قابل ذکر ہے کہ یہ عرضی نیشنل کونسل آف چرچز ان انڈیا کی جانب سے دائر کی گئی ہےدرخواست گزار کا مؤقف ہے کہ یہ قوانین شہریوں کے بنیادی حقوق بالخصوص مذہبی آزادی، ذاتی آزادی اور مساوات کے حق کی صریح خلاف ورزی کرتے ہیں۔

ہمیں فالو کریں:

عدالت کی یہ سماعت مذہبی آزادی اور ریاستی اختیار کے درمیان توازن سے متعلق ایک وسیع اور اہم بحث کو آگے بڑھائے گی۔ سپریم کورٹ کے اس اقدام سے ان قوانین کی آئینی حیثیت پر حتمی فیصلے کی امید مضبوط ہوئی ہے جو ملک کی سیکولر ساخت اور بنیادی حقوق کے مستقبل کے لیے غیر معمولی اہمیت رکھتا ہے۔