صیہونی حکومت ، ڈرون طیارے کو مار گرانے میں ناکام
Jul ۱۸, ۲۰۱۶ ۰۸:۲۷ Asia/Tehran
صیہونی حکومت نے ایک ڈرون طیارے کو میزائل سے نشانہ بنانے کی خبر دی ہے
روئٹر کی رپورٹ کے مطابق صیہونی حکومت کی فوج نے ایک بیان میں کہا ہے کہ اس نے شام کی جانب سے اسرائیل کی فضائی حدود میں داخل ہونے والے ایک ڈرون طیارے کو پیٹریاٹ میزائلوں سے ہدف قرار دیا ہے- تاہم صیہونی ذرائع ابلاغ نے رپورٹ دی ہے کہ صیہونی حکومت کے فضائی دفاعی سسٹم سے فائر کئے جانے والے پیٹریات میزائل ڈرون طیاروں کو نشانہ بنانے میں کامیاب نہ ہو سکے-
صیہونی حکومت کے فوجی ذرائع کے مطابق یہ ڈرون طیارہ شام کے فضائی حدود میں واپس پہنچ گیا ہے- اس نامعلوم ڈرون طیارے کے صیہونی حکومت کے فضائی حدود میں داخل ہونے کے بعد الخلیل کے علاقے میں وارننگ سائرن بج اٹھے-
