SAHAR

برطانوی وزیر برگزٹ نے کہا ہے کہ ان کی حکومت یورپی یونین سے اخراج کے معاملے میں کسی بھی قسم کی تاخیر اور تعطل کے خلاف ہے۔

برگزٹ کے وزیر ڈیوڈ ڈیوس کا کہنا تھا کہ حکومت برطانیہ ، یورپی یونین سے اخراج کے معاملے میں کسی بھی قسم کی تاخیر اور تعطل کو ہر گز قبول نہیں کرے گی۔

دارالعوام میں بیان دیتے ہوئے ان کا کہنا تھا کہ حکومت، ریفرنڈم کے نتائج کو منسوخ کرنے اور یورپی یونین سے برطانیہ کے اخراج کے عمل کو روکنے کی غرض سے کی جانے والی ہر کوشش کو سختی ساتھ مسترد کر دے گی۔ ڈیوڈ ڈیوس کہا کہ وہ چور دروازے سے برطانیہ کو یورپی یونین میں باقی رکھنے کے بھی مخالف ہیں۔

اس سے قبل برطانوی وزیراعظم تھریسا مے نے یورپی یونین سے برطانیہ کے اخراج کے پروگرام کا اعلان کرتے ہوئے کہا تھا یہ عمل، باضابطہ طور پر مارچ دو ہزار سترہ سے شروع ہو جائے گا۔