SAHAR

یورپی یونین کے سربراہان مملکت نے اس یونین کی دفاعی خودمختاری کے لئے ایک روڈمیپ منظور کرلیا ہے-

یورو نیوز کی رپورٹ کے مطابق یورپی یونین کے وزرائے خارجہ اور دفاع  نے منگل کے روز بیلجیئم کے دارالحکومت بریسلز میں فوجی تعاون کے حوالے سے ایک اور قدم اٹھاتے ہوئے، یورپی یونین کی دفاعی خودمختاری کے لئے ایک روڈمیپ منظور کرلیا ہے-

یورپی یونین کے وزرائے خارجہ اور دفاع نے اس منصوبے کی منظوری کا مقصد، یورپی یونین کے سول اور فوجی اقدامات کو منظم کرنے کے لئے مستقل ڈھانچہ  تشکیل دیا جانا قرار دیا ہے-

یورپی یونین کی خارجہ پالیسی کی سربراہ فیڈریکا موگرینی نے اس یونین کے دفاعی اور سیکورٹی مسائل کے سلسلے میں عملی منصوبہ، رکن ملکوں کے وزرائے خارجہ کو پیش کیا ہے-

موگرینی نے اس منصوبے کے بارے میں کہا کہ یہ عملی منصوبہ، پیرس میں دہشت گردانہ حملوں کے بعد یورپی عوام میں مزید اتحاد قائم کرنے کی غرض سے فرانس کی درخواست کے ایک سال بعد پیش کیا گیا ہے-