SAHAR

یورپی یونین کے امور خارجہ کی انچارج فیڈریکا موگرینی نے امریکہ میں جاری سیاسی کشیدگی کے منفی نتائج کی بابت سخت خبردار کیا ہے۔

 فرانس پریس کے مطابق فیڈریکا موگرینی کا کہنا تھا کہ امریکہ میں جاری سیاسی کشیدگی کے، یورپ کے ساتھ اس کے تعلقات پر منفی اثرات مرتب ہوں گے۔
یورپی یونین کے امور خارجہ کی انچارج نے کہا ہے کہ اندرونی سیاسی چپقلش کی وجہ سے حکومت امریکہ عالمی معاملات میں موثر کردار ادا کرنے کے قابل نہیں رہے گی۔
فیڈریکا موگرینی نے واضح کیا کہ وائٹ ہاوس کی سیاسی سوچ کو دیکھتے ہوئے اس بات کا قوی امکان ہے کہ یورپی یونین کو مستقل پالیسیاں وضع کرنا پڑیں گے۔
انہوں نے کہا کہ ایسا لگتا ہے کہ ڈونلڈ ٹرمپ کے دور حکومت میں، یورپ اور امریکہ کے درمیان تعلقات کی نوعیت بھی تبدیل ہوجائے گی۔