بنگلادیش نیشنلسٹ پارٹی کی کامیابی؛ دو تہائی اکثریت حاصل

Feb ۱۳, ۲۰۲۶ ۱۶:۵۷ Asia/Tehran

بنگلادیش کے تیرھویں پارلیمانی انتخابات میں بنگلادیش نیشنلسٹ پارٹی نے اپنے حامیوں کے ساتھ مل کر دو تہائی اکثریت حاصل کرلی۔ بی این پی اتحاد نے دوسو ننیانوے میں سے دوسو بارہ نشستیں حاصل کرلی ہیں۔

سحرنیوز/عالم اسلام: بنگلہ دیشن کے الیکشن کمیشن نے پالیمنٹ کی کل دوسو ننانوے نشستوں میں سے دوسو بارہ نشستوں کا اعلان کر دیا ہے۔ سرکاری نتائج کے مطابق طارق رحمان کی قیادت میں بنگلہ دیش نیشنلسٹ پارٹی بی این پی نے جمعرات کو ہونے والے پارلیمانی انتخابات میں بھاری اکثریت سے کامیابی حاصل کی اور تیرھویں قومی اسمبلی میں دوسو بارہ نشستیں جیت لیں۔ اس نتیجے کو جنوبی ایشیائی ملک میں سیاسی استحکام کی بحالی کے طور پر دیکھا جا رہا ہے۔

جمعرات کو ہونے والا یہ انتخاب، بنگلہ دیش میں دوہزار چوبیس میں طلبہ کی قیادت میں ہونے والی بغاوت کے بعد پہلا قومی انتخاب تھا جس نے طویل عرصے سے اقتدار میں رہنے والی وزیر اعظم شیخ حسینہ کا تختہ الٹ دیا تھا۔

ہمیں فالو کریں:

رپورٹ کے مطابق جماعت اسلامی کی قیادت میں گیارہ جماعتی اتحاد نے ستہتر نشستوں پر کامیابی حاصل کی جبکہ تیس نشستوں پر امیدوار کھڑے کرنے والی جین زی کی نیشنل سیٹیزن پارٹی نے پانچ نشستیں اپنے نام کی ہیں۔ ذرائع کے مطابق بنگلا دیش میں عام انتخابات میں ٹرن آؤٹ ساٹھ فیصد سے زائد رہا۔ دوسری جانب بنگلادیش میں قومی انتخابات کے ساتھ قومی ریفرنڈم بھی کرایا گیا۔ ڈھاکا سے اب تک کے نتائج کے مطابق تہتر فیصد ووٹرز نے اصلاحات کے حق میں ووٹ ڈالا ہے-