برطانیہ: ہیلی کاپٹر گرکر تباہ 5 افراد ہلاک
Mar ۳۱, ۲۰۱۷ ۰۹:۱۳ Asia/Tehran
برطانیہ کی خودمختار ریاست ویلز کے شمالی علاقے میں ہیلی کاپٹر گرکر تباہ ہونے کے نتیجے میں 5 افراد ہلاک ہوگئے۔
غیر ملکی خبر رساں ادارے کے مطابق ہیلی کاپٹر برطانوی علاقے لوٹن سے ڈبلن جاتے ہوئے گزشتہ روز لاپتہ ہوگیا تھا جس کے بعد اس کی تلاش کے لئے سرچ آپریشن شروع کردیا گیا تاہم ریاست ویلز کے شمالی پہاڑی علاقے میں ہیلی کاپٹر کے گرنے کی اطلاع ملی جس کے بعد پولیس اور امدادی ٹیموں نے جائے حادثہ پر پہنچ کر امدادی کارروائیاں شروع کیں۔
سکیورٹی حکام کا کہنا ہے کہ فی الحال حادثے سے متعلق کچھ کہا نہیں جا سکتا تاہم تحقیقات مکمل ہونے کے بعد ہی حادثے کی اصل وجوہات کا تعین ہو سکے گا۔
