SAHAR

امریکہ نے اس بات کی تصدیق کی ہے کہ شمالی کوریا نے میزائل تجربہ کیا ہے۔

رپورٹ کے مطابق بحرالکاہل میں امریکی فوجی کمان نے ہفتے کے روز ایک بیان میں اعلان کیا ہے کہ شمالی کوریا نے مشرقی علاقے، کوسانگ کے قریب ایک میزائل فائر کیا ہے۔

امریکی فوجی کمان کے بیان میں آیا ہے کہ یہ میزائل ہفتے کی صبح چھوڑا گیا جو جاپان کے سمندر میں جا کر گرا۔

روسی ذرائع‏ ابلاغ نے اعلان کیا ہے کہ شمالی کوریا کا یہ میزائل، بلسٹیک قسم کا رہا ہے۔

جاپان نے شمالی کوریا کے اس اقدام کو بین الاقوامی قوانین کے منافی قرار دیتے ہوئے اس کی مذمت کی ہے۔