برطانیہ کی وزیراعظم کی جانب سے سعودی عرب اور اس کے اتحادیوں کی حمایت
Jul ۰۴, ۲۰۱۷ ۱۴:۲۴ Asia/Tehran
برطانیہ کی وزیر اعظم نے قطر کے مقابلے میں سعودی عرب اور اس کے اتحادیوں کی حمایت کی ہے۔
الحدث ٹی وی کی رپورٹ کے مطابق برطانوی وزیرا عظم تھریسامئے نے سعودی عرب کے ولیعھد محمد بن سلمان بن عبدالعزیز سے فون پر گفتگو کرتے ہوئے تاکید کے ساتھ کہا ہے کہ قطر کو چاہئے کہ وہ علاقے میں دہشت گردی اور انتہاپسندی کے خطرے کا مقابلہ کرنے کے لئے اپنے پڑوسی عرب ممالک کے ساتھ تعاون کرے۔
برطانیہ کی وزیر اعظم نے کہا کہ تمام فریقوں کو کشیدگی کم کرنے اور خلیج فارس تعاون کونسل کا اتحاد بحال کرنے کی کوشش کرنا چاہئے-
سعودی عرب، بحرین، متحدہ عرب امارات اور مصر نے پانچ جون سے امریکی صدر ٹرمپ کے دورہ ریاض کے بعد قطر پر دہشت گردی اور انتہاپسندی کا الزام لگاتے ہوئے اس کے ساتھ سفارتی تعلقات ختم کر لئے ہیں-