SAHAR

جاپان کے ہوکائیڈو جزیرے میں آنے والے شدید زلزلے کےنتیجے میں تقریبا نو افراد جاں بحق ایک سو سڑسٹھ زخمی اور اڑتیس سے زائد دیگر لاپتہ ہو گئے۔

جاپانی میڈیا کے مطابق جاپان کے جزیرے ہوکائیڈو میں جمعرات کی صبح زلزلے کے شدید جھٹکے محسوس کیے گئے۔ریکٹر اسکیل پر زلزلے کی شدت چھے اعشاریہ سات ریکارڈ کی گئی۔ زلزلے کا مرکز ہوکائیڈو سے اڑسٹھ کلو میٹر دور تھا۔زلزلے کے نتیجے میں نو افراد جاں بحق،ایک سو سڑسٹھ زخمی اور اڑتیس سے زائد دیگر لاپتہ ہو گئے۔زلزلے سے کئی گھروں اورعمارتوں کو نقصان پہنچا، بجلی کی فراہمی معطل ہو گئی تاہم امدادی کارروائیاں جاری ہیں۔واضح رہے کہ جاپان زلزلے کی پٹی پر واقع ہے اس لئے وہاں ہمیشہ زلزلے آتے رہتے ہیں۔