اسکاٹ لینڈ کا بریگزٹ کی بابت سخت انتباہ
Apr ۲۹, ۲۰۱۹ ۱۹:۰۵ Asia/Tehran
بریگزٹ کی صورت حال کی طرف اشارہ کرتے ہوئے اسکاٹ لینڈ کی فرسٹ منسٹر نے کہا ہے کہ اسکاٹ لینڈ کو اپنا معاملہ برطانیہ سے الگ رکھنا ہو گا۔
اسکاٹ لینڈ کی فرسٹ منسٹر نکولا اسٹرجن نے ایڈنبرگ میں نیشنل پارٹی کے اجلاس میں کہا ہے کہ برطانیہ کے پارلمانی نظام اور حکومت کے موجودہ ڈھانچے کے پیش نظر اسکاٹ لینڈ کے علاقے کو اپنے مستقبل کی راہ کا انتخاب کرنا ہو گا۔
انھوں نے کہا کہ لندن کی کوئی بھی حکومت، اسکاٹ لینڈ کے حق انتخاب کو نہیں روک سکتی۔اس اجلاس میں پارٹی اراکین نے اسکاٹ لینڈ کی الگ کرنسی سے بھی اتفاق کیا۔
واضح رہے کہ دو ہزار سولہ کے ریفرنڈم میں اسکاٹ لینڈ کی اکثریت نے یورپی یونین میں برطانیہ کے باقی رہنے کی حمایت میں ووٹ دیئے تھے۔
