اسکاٹ لینڈ کی پولیس نے غاصب صیہونی حکومت کے ساتھ تعاون کرنے کے خلاف مظاہرہ کرنے والوں کو کچل دیا ہے ۔

Jan ۳۱, ۲۰۲۶ ۲۰:۱۰ Asia/Tehran

اسکاٹ لینڈ کی پولیس نے ایڈنبرا میں اطالوی اسلحہ ساز فیکٹری لیونارڈو کے باہر غاصب صیہونی حکومت کے ساتھ فیکٹری کے تعاون کرنے کے خلاف مظاہرہ کرنے والوں کو کچل دیا ہے ۔

سحرنیوز/دنیا: ارنا کی رپورٹ کے مطابق اسکاٹ لینڈ کی ایک کارکن نے ملکی میڈیا کو انٹرویو دیتے ہوئے انکشاف کیا ہے کہ پولیس نے ریلی کے دوران مظاہرین کے ساتھ تشدد آمیز سلوک کیا ہے۔

انہوں نے اپنے اسکارف پر خون کے دھبوں کی جانب اشارہ کرتے ہوئےکہا کہ پولیس نے ہمارے ساتھ جس طرح کا سلوک کیا ہے اس سے ہم بہت زیادہ متاثر اور غمزدہ ہیں جب کہ ہم مکمل طور پر پرامن مظاہرہ کر رہے تھےاور پولیس نے کشیدگي اور تناؤ کو بڑھاوا دیا ہے ۔

ہمیں فالو کریں:

انہوں نے کہا کہ پولیس مظاہرین کو گھونسے مار رہی تھی اور انہیں زمین پر گھسیٹ رہی تھی جس کی بنا پر صورتحال بہت زیادہ کشیدہ ہوگئی۔

مظاہرے میں موجود ایک اور کارکن نے کہا کہ ہم یہاں پر اس فیکٹری کو بند کروانے کے لئے جمع ہوئے ہیں کیونکہ یہ فیکٹری ایف پینتیس لڑاکا طیاروں کے پرزے تیار کرتی ہے جو غزہ میں نسل کشی میں استعمال ہوتے ہیں ۔