امریکہ اور ویسٹ انڈیز میں ٹی ٹوئنٹی ورلڈ کپ کرکٹ جاری
امریکہ اور ویسٹ انڈیز میں ٹی ٹوئنٹی کرکٹ ورلڈ کپ جاری ہے جس میں دو میچ کھیلے گئے۔ پہلا میچ انگلینڈ اور اسکاٹ لینڈ کے درمیان برج ٹاؤن میں کھیلا گیا جو بارش سے متاثر ہوا۔
سحر نیوز/ دنیا: اسکاٹ لینڈ نے ٹاس جیت کر پہلے بیٹنگ کرنے کا فیصلہ کیا اور دس اوورز میں بغیر کسی نقصان کے نوے رن بنائے جس کے بعد بارش کی وجہ سے میچ دس دس اوور تک محدود کر دیا گيا۔ لیکن دوبارہ بارش شروع ہو گئی جس کے بعد میچ کو بغیر کسی نتیجے کے ختم کر دیا گیا۔
جبکہ ڈیلاس میں کھیلے گئے دوسرے میچ میں نیدرلینڈ نے نیپال کو چھے وکٹوں سے ہرا دیا ۔ نیدرلینڈ نے ٹاس جیت کر پہلے فیلڈنگ کرنے کا فیصلہ کیا۔ نیپال کی پوری ٹیم انیس اعشاریہ دو اوورز میں ایک سو چھے رن بنا کر آؤٹ ہو گئی ۔ جس کے جواب میں نیدرلینڈ نے ایک سو سات رن کا ہدف اٹھارہ اعشاریہ چار اوورز میں چار وکٹوں کے نقصان پر حاصل کر لیا۔
ٹی ٹوئنٹی ورلڈ کپ میں ہندوستان کی ٹیم آج اپنا پہلا میچ آئرلینڈ کے خلاف کھیلے گی۔
