SAHAR

سی این این کے مطابق یورپی کونسل کے سربراہ ڈونلڈ ٹسک نے پیر کو اپنے ٹوئٹر پیج پر لکھا ہے کہ یورپی یونین کے رکن ستائیس ملکوں نے برطانیہ کی درخواست منظور کرلی ہے کہ بریگزٹ کی تاریخ اکتس اکتوبر سے بڑھا کے اکتس جنوری کردی جائے۔ 

انھوں نے لکھا ہے کہ اس فیصلے سے تحریری طور پر حکومت برطانیہ کو مطلع کیا جائے گا۔ یاد رہے کہ یورپی یونین کے سفیروں نے پچیس اکتوبر کو کسی تاریخ کا اعلان کئے بغیر یونین سے برطانیہ کے نکلنے کی تاریخ میں توسیع کی منظوری کا اعلان کیا تھا۔ 

یاد رہے کہ لندن اور بریسلز نے یورپی یونین سے برطانیہ کے نکلنے کے لئے اکتس اکتوبر کی تاریخ پر اتفاق کیا تھا۔ 

بورس جانسن نے برطانوی وزارت عظمی کا عہدہ سنبھالنے کے بعد اعلان کیا تھا کہ وہ اکتس اکتوبر تک برطانیہ کو حتی معاہدے کے بغیر بھی یورپی یونین سے نکال لیں گے لیکن برطانوی پارلیمنٹ نے اس کی مخالفت کردی۔ 

برطانوی اراکین پارلیمنٹ نے بریگزٹ کے لئے معینہ تاریخ میں تین مہینے کی توسیع کا مطالبہ کیا جس کو یورپی یونین نے منظور کرلیا ہے۔