دو ماہ سے زائد کا عرصہ گزر چکا ہے کہ آسٹریلیا کے بعض علاقوں میں بھیانک آگ لگی ہوئی ہے جس پر اب تک قابو نہیں پایا جا سکا ہے۔ اس درمیان کم از کم پچیس افراد جاں بحق، جبکہ ہزاروں گھر تباہ ہو چکے ہیں۔ بعض رپورٹس کے مطابق قریب پانچ میلین ایکڑ پر پھیلے ہرے بھرے جنگلات جل کر بے آب و گیاہ وادی میں تبدیل ہو چکے ہیں اور ایک اندازے کے مطابق ان جنگلات کے مکیں تقریبا اڑتالیس کروڑ حیوانات کو بھی اپنی جان سے ہاتھ دھونا پڑا ہے۔