مشرقی لندن کے علاقے سیون کنگز میں چاقو زنی کی واردات میں 3افراد ہلاک ہوگئے۔

برطانوی میڈیا کے مطابق واقعہ سیون کنگز اسٹیشن کے قریب ایلمسٹیڈ روڈ پر اتوار کی شام پیش آیا۔

چاقو زنی کی واردات میں میٹروپولیٹن پولیس کی جانب سے تحقیقات جاری ہے، علاقے میں سیکشن 60 نافذ کردی گئی جس کےتحت پولیس کسی بھی شخص کو روک کر تلاشی لے سکتی ہے۔

واضح رہے کہ اس سے پہلے بھی لندن میں فائرنگ، چاقو سے حملے اور لوگوں کو گاڑی سے ٹکر مارنے کے کئی واقعات رونما ہو چکے ہیں جن میں کئی افراد ہلاک و زخمی ہو‏ئے۔