SAHAR

یورپی کونسل کے سربراہ نے اعلان کیا ہے کہ برگزیٹ سمجھوتے پر دستخط ہوگئے ہیں

فارس نیوز ایجنسی کی رپورٹ کے مطابق یورپی کونسل کی سربراہ شارل میشل نے جمعہ کو اپنے ٹوئٹ کے ذریعے برطانوی پارلیمنٹ میں برگزیٹ کی منظوری کے بعد برگزیٹ پر عمل درآمد کے سلسلے میں ہونے والے سمجھوتے پر دستخط کی خبر دی ۔یورپی کونسل کی سربراہ نے مزید لکھا کہ آج ہم نے یورپی کمیشن کے سربراہ اورسولا فن ڈرلائن کے ساتھ یورپی یونین سے برطانیہ کے باہر نکلنے کے سمجھوتے پر دستخط کر دئے۔برطانوی پارلیمنٹ کے ممبران نے بدھ کو برگزیٹ پر عمل درآمد کے لئے یورپی یونین کے ساتھ اس ملک کی حکومت کے سمجھوتے کو منظوری دی تھی۔ملکہ برطانیہ نے بھی جمعرات کو اس کی توثیق کردی تھی۔برطانیہ ، اکتیس جنوری دوہزار بیس کو یورپی یونین سے باہر نکل رہا ہے۔