SAHAR

فرانس میں یلوجیکٹ تحریک کے حامیوں نے مسلسل پینسٹھویں ہفتے بھی مختلف شہروں میں حکومت کے خلاف احتجاجی مظاہرے کئے

پیرس سے ہمارے نمائندے نے خبردی ہے کہ اس ہفتے یلوجیکٹ تحریک کے حامیوں کے مظاہروں میں شریک لوگوں پر فرانس کی بلوا پولیس نے طاقت کا استعمال کیا اور ان پر پانی کی بوچھار کی اور ربر کی گولیاں بھی چلائیں - فرانسیسی پولیس نے پیرس میں تیس سے زائد مظاہرین کو گرفتار کرلیا - فرانس میں یلوجیکٹ تحریک کے حامی ملک میں سرمایہ دارانہ نظام کے خلاف اور عوام کے لئے سہولتوں کی فراہمی کے حق میں ہر ہفتے سنیچر کو احتجاجی ریلیاں نکالتے ہیں - فرانس میں یلوجیکٹ تحریک کے حامیوں کے مظاہرے جو پیٹرولیم مصنوعات پر ٹیکس میں اضافے کے خلاف شروع ہوئے تھے ہمیشہ پرامن رہے ہیں - ان مظاہروں کے دوران اب تک بارہ افرادہلاک اور چودہ ہزار دیگر زخمی یا گرفتار ہوچکےہیں