SAHAR

امريکی رياست ٹيکساس میں فائرنگ کے ايک تازہ واقعے ميں متعدد افراد زخمی ہو گئے۔

امريکی رياست ٹيکساس کے شہر آسٹن ميں فائرنگ کے ايک تازہ واقعے ميں کم از کم 13 افراد زخمی ہو گئے۔

میڈیا رپورٹس کے مطابق فائرنگ کرنے والا ملزم فرار ہوگیا ہے، جبکہ آسٹن پوليس کے مطابق حملہ آور کی تلاش جاری ہے۔

رپورٹس کے مطابق زخميوں ميں سے دو کی حالت نازک بتائی جا رہی ہے۔ 

فائرنگ کا واقعہ جمعے اور ہفتے کی درميانی شب مقامی وقت کے مطابق رات ڈيڑھ بجے پيش آيا۔

حکام نے احتياط برتنے کی ہدايات جاری کرتے ہوئے وفاقی تفتيشی بيورو (ايف بی آئی) سے مدد کے ليے رابطہ کر ليا ہے۔

خیال رہے کہ فوری طور پر اس حملے کے محرکات واضح نہیں ہوسکے ہیں۔