جنوبی کوریا کے صدر نے شمالی کوریا کی جانب سے ایٹمی ہتھیاروں سے دست بردار نہ ہونے کی صورت میں امریکہ جنوبی کوریا اتحاد کے ہاتھوں اس کو نابود کرنے کا اعلان کیا ہے۔

سحرنیوز/دنیا: جنوبی کوریا کی یونھاپ نیوز ایجنسی کی رپورٹ کے مطابق جنوبی کوریا کے صدر یون سوک یول نے جنوبی کوریا کی مسلح افواج کی پچھترویں سالگرہ کی تقریب سے خطاب کرتے ہوئے کہا کہ شمالی کوریا ہمارے عوام اور ملک اورعالم امن کےلئے بہت بڑا خطرہ ہے اور اگر شمالی کوریا نے ایٹمی ہتھیاروں کا استعمال کیا تو امریکی جنوبی کوریا اتحاد کے ہاتھوں اس کا خاتمہ ہو جائے گا۔

 شمالی کوریا کی حکومت نے بین الاقوامی برادری کی جانب سے ایٹمی ہتھیاروں کے استعمال پر واضح دھمکیوں کے باوجود اپنے ایٹمی ہتھیاروں، ایٹمی توانائی اور میزائل طاقت کو اپ گریڈ کرنے کا عمل جاری رکھا ہوا ہے۔ جنوبی کوریا 2013ء کے بعد پہلی مرتبہ فوجی پریڈ اور ہتھیاروں کی نمائش کر رہا ہے۔