SAHAR

غاصب صیہونی حکومت نے طوفان الاقصی آپریشن میں اب تک تین سو پندرہ فوجیوں کی ہلاکت کا اعتراف کیا ہے۔

سحرنیوز/ دنیا: صیہونی فوج نے آج اعلان کیا ہے کہ طوفان الاقصی آپریشن شروع ہونے کے بعد سے تین سو پندرہ فوجی ہلاک ہو چکے ہیں۔ رپورٹ میں بتایا گيا ہے کہ ہلاک ہونے والے صیہونی فوجیوں کی تعداد، اس سے کہیں زیادہ ہے کہ جس کا صیہونی ذرائع سے اعلان کیا جا تا رہا ہے۔ 

ایک اور رپورٹ کے مطابق صیہونی فوج نے اس بات کا بھی اعتراف کیا ہے کہ طوفان الاقصی آپریشن جاری رہنے کی بنا پر ہلاکتوں کا صحیح اندازہ نہیں لگایا جا سکتا اور فوج کا حوصلہ بڑھانے کی بنا پر بھی صحیح تعداد کا اعلان نہیں کیا جا سکتا۔ یہ ایسی حالت میں ہے کہ صیہونی جارحیت میں عام شہری منجملہ عورتیں اور بچے زیادہ مارے جا رہے ہیں۔