ترکیہ کے گھریلو اور سماجی خدمات کی وزیر نے غزہ میں صیہونی حکومت کے ہاتھوں جاری فلسطینیوں کی نسل کشی پر احتجاج کرتے ہوئے اقوام متحدہ میں خواتین کمیشن کے اجلاس میں غاصب صیہونی حکومت کے سماجی امور کی وزیر کی تقریر کا بائیکاٹ کر دیا۔

سحرنیوز/دنیا: اقوام متحدہ میں خواتین کمیشن کا اڑسٹھواں اجلاس گیارہ مارچ کو نیویارک میں اقوام متحدہ کے ہیڈکوارٹر میں ایران سمیت ایک سو گیارہ وفود کی شرکت سے شروع ہوا۔ موصولہ رپورٹ کے مطابق خواتین کمیشن کے اجلاس میں غاصب صیہونی حکومت کی وزیر نے جب تقریر شروع کی تو ترکیہ کی گھریلو اور سماجی خدمات کی وزیر اوزدمیر گوکتاش اٹھ کر چلی گئیں۔
انہوں نے خواتین کمیشن کے اجلاس میں صیہونی وزیر کی تقریر شروع ہوتے ہی اجلاس سے واک آؤٹ کرنے کے بعد کہا کہ بحران غزہ کو نظر انداز نہیں کیا جاسکتا۔ ان کا کہنا تھا یہ بحران صیہونی جارحیت کے نتیجے میں پیدا ہوا ہے جس میں اب تک ہزاروں بے گناہ شہری مارے گئے ہیں۔