کشمیر میں تازہ کارروائیوں میں مزید 3 کشمیری ہلاک
Nov ۱۴, ۲۰۱۸ ۱۰:۵۳ Asia/Tehran
ہندوستان کے زیر انتظام کشمیر میں تازہ ترین جھڑپوں میں مزید 3 کشمیری ہلاک ہو گئے ہیں۔
کشمیر میڈیا سروس کے مطابق ہندوستانی فوج نے کپواڑہ اور جموں کے اضلاع میں سرچ آپریشن کےدوران فائرنگ کرکے 3 کشمیریوں کو ہلاک کر دیا۔ فوج کا کہنا ہے کہ کیرن سیکٹر میں حد متارکہ پردراندازی کی کوشش کے دوران 2 عسکریت پسندوں کو ہلاک کیا گیا ہے جبکہ جموں میں بین الاقوامی سرحد پر اسی طرح کی کارروائی میں ایک دراندازکو ہلاک کیا گیا۔ تاہم فوج کی جانب سے اسلحہ کی بر آمدگی اور عسکریت پسندوں کی شناخت کے بارے میں کوئی تفصیلات فراہم نہیں کی گئیں ۔
