SAHAR

ایران کے صدر نے کہا کہ وہ ممالک جو طاقت اور وسائل کے حامل ہیں انھیں اپنے علاقائی اثر ونفوذ کو بڑھانے یا کسی دوسرے بہانے سے اپنے نظریات دوسرے ممالک پر مسلط نہیں کرنا چاہئے اور ان کے داخلی مسائل میں مداخلت نہیں کرنا چاہئے-

صدرمملکت حسن روحانی نے نسلی امتیاز، ناانصافی، نسل ، دینی اورقومی توہین نیزایک اچھی زندگی کے حصول میں مایوسی کو جوانوں کے دہشت گرد گروہوں میں شامل ہونے کی ایک وجہ قراردیا اورکہا کہ دہشت گرد گروہ جب منطق و دلیل سے عوام کو اپنی طرف مائل نہیں کر پاتے تو خوف و دہشت اور قتل و غارت گری کا ماحول پیدا کرکے خود کو مسلط کرتے ہیں-

اس ملاقات میں جمہوریہ چیک کے وزیرخارجہ لوبومیر زائو رالک نے اپنے ملک کی جانب سے ویانا معاہدے کا خیر مقدم کرتے ہوئے علاقائی اورعالمی مسائل کے حل میں ایران کی اہمیت اورکردار کی جانب اشارہ کیا اورکہا کہ ایران اور گروپ پانچ جمع ایک کے درمیان ایٹمی سمجھوتے نے علاقے اوردنیا میں ایران کے بہتر کردار کے لئے ایک ماحول فراہم کیا ہے اور جمہوریہ چیک کا خیال ہے کہ ایران کی موجودگی کے بغیر، دہشت گردی اورپناہ گزینوں کے مسئلے کے سیاسی راہ حل تک نہیں پہنچا جا سکتا-