SAHAR

ایران کے اراکین پارلیمنٹ نے اپنے مشترکہ بیان میں نیوزی لینڈ کی مساجد پر ہونے والے دہشت گردانہ حملے کی شدید الفاظ میں مذمت کی ہے۔

اتوار کے روز پارلیمنٹ کے اجلاس کے موقع پر اراکین کی جانب سے مشترکہ بیان بھی جاری کیا گیا جس میں کہا گیا ہے کہ نیوزی لینڈ میں ہونے والے دہشت گردانہ حملے سے ثابت ہوگیا کہ عالمی سامراجی طاقتیں، انسانیت اورانسانی حقوق  کے نعروں کو محض اپنے غیرانسانی اہداف کو آگے بڑھانے کے لیے استعمال کرتی ہیں۔

اراکین پارلیمنٹ کے جاری کردہ بیان میں اسلام اور مسلمانوں کے نام سے کسی بھی قسم کا ناجائز فائدہ اٹھانے کی روک تھام اور دہشت گردی کے حوالے سے دوہرے معیاروں کا مقابلہ کیے جانے کی ضرورت پر بھی زور دیا گیا ہے۔

مسلح دہشت گردوں نے نیوزی لینڈ کے شہر کرائسٹ چرچ کی دو مساجد پر حملے کرکے پچاس نمازیوں کو شہید اور پچاس کو زخمی کردیا تھا۔