• فارمولہ ون کار ریلی پر بحرینی عوام کی مخالفت

بحرینی عوام نے ملک میں فارمولہ ون کار ریلی کے انعقاد کی مخالفت میں مظاہرہ اور اس مقابلے کو منسوخ کرنے کا مطالبہ کیا ہے۔

منامہ پوسٹ نے خبردی ہے کہ مظاہرے کا سلوگن تھا کہ دہشت گرد آل خلیفہ حکومت کی فارمولہ ون کار ریلی کو منسوخ کی جائے۔
مظاہرے کی کال بحرین کی انقلابی تنظیموں نے دی تھی۔ مظاہرین کا کہنا تھاکہ جب تک ان کے قانونی اور جائز مطالبات پورے نہیں ہوجاتے وہ اپنی پرامن تحریک جاری رکھیں گے۔
 اس درمیان خبروں میں کہا گیا ہے کہ جیسے ہی الدیہ کے علاقے میں بحرینی شہریوں نے یہ احتجاجی جلوس نکالا آل خلیفہ حکومت کے کارندوں نے ان پر حملہ کیا اور پورے علاقے کو فوجی چھاؤنی میں تبدیل کردیا۔
 دوسری جانب ایمنسٹی انٹرنیشنل نے آل خلیفہ حکومت سے کہا کہ وہ سیاسی قیدیوں کو فوری طور پر رہا کرے۔
بحرین میں فروری دوہزار گیارہ سے عوام کی پرامن تحریک جاری ہے۔ بحرینی عوام اپنے ملک میں آزادی جمہوریت کا قیام اور سیاسی اصلاحات کا مطالبہ کر رہے ہیں۔

Apr ۰۸, ۲۰۱۸ ۱۹:۵۶ Asia/Tehran
کمنٹس