نجران اور عسیر میں سعودی فوجی ٹھکانوں پر یمنی فوج کا حملہ
Apr ۱۳, ۲۰۱۸ ۱۹:۵۹ Asia/Tehran
یمن کی فوج کے میزائل اور توپ خانے کے یونٹ نے سعودی عرب کے اندر نجران اور عسیر میں سعودی فوجی ٹھکانوں پر حملے کئے ہیں
یمن کے ایک فوجی ذریعے نے بتایا ہے کہ یمنی فوج اور عوامی رضاکار فورس کے میزائل یونٹ نے نجران میں الخضرا گذرگاہ اور صحرائے البقع میں سعودی عرب کے فوجی ٹھکانوں پر حملہ کیا ہے - یمن کے مذکورہ فوجی ذریعے نے کہا ہے کہ یمنی فوج نے عسیر میں بھی متعدد مقامات پر سعودی عرب اور اس کے اتحادیوں کے فوجیوں ٹھکانوں پر میزائل سے حملہ کیا -
خبروں میں کہا گیا ہے ان حملوں میں سعودی عرب اور اس کے اتحادیوں کے متعدد فوجی ہلاک اور زخمی ہوئے ہیں - اس درمیان میڈیا رپورٹوں میں کہا گیا ہے کہ یمن کے صوبہ مارب کے علاقے قانیہ میں یمنی فوجیوں نے سعودی اتحادی فوج کے ایک سرکردہ کمانڈر محمد احمد الصندوح المشدلی اور اس کے دو ساتھیوں کو موت کے گھاٹ اتاردیا-