SAHAR

سوڈان کے دارالحکومت خرطوم میں سول حکومت کے قیام کے لیے دھرنا دینے والوں نے جنگ یمن کے خاتمے اور سعودی اماراتی اتحاد سے نکلنے کا مطالبہ کیا ہے۔

 خرطوم میں فوجی ہیڈکوارٹر کے سامنے جاری دھرنے میں شریک لوگوں کا کہنا تھا کہ یمن کے عوام ہمارے بھائی ہیں اور ہم سعودی اماراتی جنگی اتحاد سے نکلنے کے خواہاں ہیں۔
مظاہرین کا کہنا تھا کہ یمن کے خلاف سعودی اتحاد کی جنگ  سے سوڈان کا کوئی تعلق نہیں ہے لہذا تمام فوجیوں کو فی الفور وطن واپس بلایا جائے۔
یہ مطالبہ ایسے وقت میں کیا گیا ہے جب عبوری فوجی کونسل کے نائب صدر محمد حمدان دقلو نے کہا تھا کہ سوڈان، سعودی فوجی اتحاد سے نکلنے کا کوئی ارادہ نہیں رکھتا۔
حکومت سوڈان نے مالی اعانت کی لالچ میں اپنے سیکڑوں فوجیوں کو جنگ یمن میں جھونک دیا ہے جس میں درجنوں فوجی ہلاک ہو چکے ہیں۔